中國周日喺田徑項目正式開齋，周春秀喺女子馬拉松項目奪得銅牌，佢賽後承認得到銅牌已經好滿意。本判官亦都覺得周春秀應該輸得心服口服，因為金牌得主羅馬尼亞選手杜美絲古，以38歲高齡成為史上最老嘅奧運馬拉松冠軍；最難得嘅係，呢位老將之前因傷錯過07年嘅大阪世界錦標賽，咁快就恢復狀態仲贏埋奧運金牌，真係難能可貴啦！