上個禮拜奧運進行得如火如荼，但係股市嘅表現麻麻，不過最後兩個交易日A股已經好番啲，國家隊今次奧運奪取嘅金牌將會破紀錄，有機會接近50面，好可能首次攀登榜首，話唔定呢個禮拜就炒高A股慶祝，港股肯定會得益。
花旗股市上個禮拜五造好，今朝早港股應該靠穩，升唔升到，仲係要睇A股表現，不過講走勢，就可以吼和黃C輪。
和黃C輪3453：和黃（013）上周五報收71元，升2巴仙，睇個款想炒上78元，可以諗吓隻C輪3453，現價7.6仙，槓桿率9.3倍（有效4.9倍），正股升上78元，3453可見11.7仙，正股跌穿68元就沽咗隻輪止蝕。