陳美詩同張繼聰噚日喺旺角宣傳舞台劇《再見理想Beyond》，佢哋喺套劇裏面會同關智斌發展一段三角戀，陳美詩話為咗投入角色，佢會想番以前失戀嘅經驗，佢話：「好似我同第一個男友分手嗰陣，我死都要問佢點解，但係佢乜都唔講，完全冇反應，之後仲望吓手錶話夠鐘要走，我覺得佢嘅冷酷會殺人，當男仔唔鍾意你嘅時候，真係講乜都冇用。」