車路士中場林柏特最近同球會續咗5年新約，原來促使佢留隊嘅原因，係收到敵對球會球迷嘅「媽叉」信件！起初呢位30歲中場都想跟番舊老細摩連奴去國米，點知上周中突然同車仔續約，原來林柏特收到幾百封來自韋斯咸、曼聯等球迷嘅信，信內寫嘅梗係狂踩佢嘅字句，點知反而激發林柏特續約留隊，車仔球迷真係要多謝佢哋喇今次！