𡃁界女神Angelababy昨日到九龍灣出席活動，她表示早前到日本為當地某雜誌擔任模特兒拍攝秋冬新裝，待遇似足皇后，連着鞋都有人服侍。她又透露出街時被AV星探睇中，她說：「嗰啲男仔應該專係招攬女仔去拍AV，不過我唔識聽佢哋講乜，所以唔尷尬。」
初戀男友是日人
Angelababy表示13歲還在上海時，曾跟日本男仔拍拖，大家以普通話溝通，她說：「嗰段係我嘅puppylove，但分手後冇聯絡，我都想搵番啲上海舊同學攞番佢嘅聯絡。」問到初戀男友是否很靚仔？她表示覺得靚仔，但媽咪卻不同意。她又表示當年拍拖雖然只是拖手，但已經很尷尬。對於日前傅穎被日本設計師突襲熊抱，Angelababy表示未曾遇過類似情形。
採訪、攝影：何永寧