張文慈（Pinky）、劉綽琪及谷祖琳昨日在大埔拍攝亞視新劇《法網群英》。Pinky謂近日開始拍外景，適逢農曆7月，故有點擔心，又表示日前於家中遇上靈異事件，她說：「嗰晚半夜屋企部心經機突然着咗，之後仲見到有個白影衝咗入牆，嗰日咁啱我燒嘢畀我阿爺同祖先，個工人話可能佢哋多謝我。」
此外，近日兩台奧運主持經常被批評，谷祖琳力撐阿叔谷德昭有個人風格，她說：「其實兩台我都有睇，各有各好都差唔多，谷德昭佢本身風格都保持係咁。」昨日乃谷德昭生日，問到谷祖琳是否已預備禮物？她說：「佢話send個戶口號碼畀我，如果佢真係send嚟，咁我咪過一百蚊畀佢。」
採訪：王崇穎
攝影：陳順禎