阿姐汪明荃與羅家英昨日到佐敦，出席粵劇戲台記者午餐會，會上宣佈9月演出的一系列粵劇資料，阿姐與家英哥相隔多年再度合作。阿姐接受訪問時，又透露有善心人捐出100萬予八和會館作粵劇發展之用，她說：「前幾日我收到封信，入面係一張100萬本票，我唔敢同人講，等過到戶今日先敢公開。真係好多謝同感激呢位有心人，其實我哋喺財政同場地上都好需要大家支持。」
家英睇京奧猛鬧
同場出現的家英哥狠批香港電視台轉播奧運準備不足，他說：「多數睇中央台，但香港電視台業餘嘅就真係好業餘，專業嘅就夠專業，連姚明拖住入場個小朋友都冇人識，以往冇比較就唔知，今次有中央台就顯得香港電視台好似井底之蛙，新聞同資訊性節目幾好，但係劇集同大型節目都唔得。」
採訪、攝影：藍文浩