林峯前晚到商台接受訪問，對於主演的劇集《溏心風暴之家好月圓》日前因奧運賽事而停播，結果被觀眾投訴，林峯認為奧運是四年一度盛事，加上賽事時間並非人為可以控制，劇集又並非腰斬，不過觀眾有如此反應，林峯坦言很開心。
「fing住好核突」
對於李司棋睇好林峯問鼎視帝，林峯說：「我年年都有信心，希望入五強，好彩遇到個討好角色，但係做好人角色好難，因為冇乜特色，不過有幾場重要戲都發揮得好好。」
有報道率先披露《溏》劇劇情，有一幕林峯為夏雨抹去約7吋長鼻涕，談到這場戲，林峯笑說：「咁吊住唔好睇，fing住好核突，我抹完後陳法拉都話我咁大膽去抹，我都估唔到自己會抹，唔知點解鼻涕唔跌落嚟。」記者問他抹完後怎樣？林峯坦言：「冇洗手，繼續拍落去。」
採訪、攝影：李珮洳