杏花新城的南歐房子，有位Fanny，笑容十分親切，令人對店子的第一印象不壞，「我喺度做咗成年，感覺好好，呢度客人都係附近住嘅熟客比較多，大家都係街坊，所以都唔會好惡，係間中有時搞錯咗牛扒嘅生熟成數，俾客人有少少投訴，不過佢哋都好好，唔會好惡死。有時有啲客，會帶埋細路仔嚟，有啲侍應會覺得小朋友好煩，有啲細細個仲成日喊，但我就好鍾意見到佢哋，佢哋四圍走同喊，我有秘密武器對付佢哋，就係入去廚房拎兩支朱古力棒棒畀佢哋食，唔係用來塞住佢哋把口，而係分散小朋注意力，會定啲㗎。」問佢咁大人呢？原來有個西班牙燒乳豬，皮脆肉嫩又唔會好肥，好多大人都鍾意，而女仔就可以用焗蘋果金寶，喺香甜蘋果肉上鋪上牛油麵粉去焗，食時淋上忌廉，好多女仔都係咁被男仔𠱁到，亦係Fanny自己至愛甜品之一。
南歐房子（29769786）
杏花新城地下G50號