「大隻妙」同「蠔屎」呢對金童玉女，由拍三色台嘅劇開始拍拖，雖然佢哋一直唔認，不過呢個已經係公開嘅秘密，所以三色台都成日安排佢哋情侶檔搵銀。
原本大隻妙同蠔屎嘅感情發展得幾穩定，但可惜女方事業心強，結果搞到分手收場，幾年感情付諸流水。
專冧揸弗人
聽講大隻妙為咗上位真係無所不用其極，佢除咗想做三色台一姐外，其實仲好想做埋歌星，關仁聽唔少人講，佢每逢出席嗰啲有唱片公司揸弗人嘅飯局，都會主動對人哋大送秋波，希望是但冧掂一個簽佢做歌星出碟，不過大隻妙連廣東話都未講得正，加上唱歌又真係唔掂，所以啲唱片公司揸弗人見到佢都詐儍扮懵，大隻妙呢鋪如意算盤打唔響囉！
Textby關仁
