玩具大王蔡志明千金蔡加敏（Carmen）昨日生日開新店，全家總動員出席支持，一向疼愛Carmen的蔡父免她舖租，老公則送了一架新車給愛妻，令擔任嘉賓的佘詩曼大表欣羨，更自言27歲結婚，30歲生仔的計劃早成泡影。
玩具大王蔡志明千金蔡加敏與姑仔MaryMa合作開名牌手袋店HotSquare，昨日於九龍城廣場舉行開幕儀式，更邀請了佘詩曼做剪綵嘉賓。蔡家一向團結，昨日蔡志明伉儷，女兒加怡及兒子加讚全家總動員出席，連同Carmen老爺馬介璋及夫婿馬鴻銘等，場面熱鬧。
蔡父免舖租
原來昨日也是Carmen生日，可算是雙喜臨門，她說：「前晚已經同屋企人唱K慶祝，今晚會同囡囡、老公食飯。」作為新店業主的父親蔡志明笑說：「如果賺到錢咪交租，賺唔到就由佢，我已經幫襯佢買咗好多嘢送畀朋友。」馬鴻銘則透露送了新車給愛妻，問到他會否多送一個BB給Carmen，他即笑笑口說：「都會。」
至於擔任剪綵嘉賓的佘詩曼就說：「今日手袋任揀，不過唔會揀好多，仲有酬勞。」問到前度男友陳浩民早前於訪問中坦言對她未忘情，阿佘笑說：「冇睇過，真係要問番佢，如果講嗰個唔係我咪好瘀。」問到阿佘最深刻是那一段情，她說：「我冇情未忘，不過最深刻都係初戀嗰段。」
有衝動生仔
阿佘表示看見蔡加敏一家十分幸福，問到何時有計劃結婚生BB，她說：「以前諗住27歲結婚，30歲生B，都灰飛煙滅。」聲稱尚未找到真命天子的阿佘，直言沒有結婚衝動，她說：「只有生小朋友嘅衝動，身邊朋友都有大肚，雖然肥咗，又大隻咗，覺得佢哋好幸福。」問到她會否做未婚媽媽，她說：「有得揀，唔會。」阿佘透露現正休息，剛到了夏威夷探媽咪，放了一個悠長假期，10月就會與黃子華開劇。
採訪：顏英儀
攝影：仇志德
