現年33歲的鄺文珣，前年與商人應德榮結婚，她昨日一索得男，誕下重7.5磅的鼠BB，母子平安，她已為兒子取了英文名Cadence。鄺文珣誕下BB後，立即用歌聲𠱁他，囝囝聽到歌聲後還立即停止哭泣。
鄺文珣和商人應德榮（Andrew）的愛情結晶昨早出世，她剖腹誕下重7.5磅的男嬰，母子健康。其助手Carol透露鄺文珣夫婦喜獲麟兒都十分雀躍。
「喊到好大聲」
Andrew特別陪太太進產房，看到兒子出生一刻，夫婦倆都非常感動。Carol昨日在電話中說：「文珣幫囝囝改咗英文名Cadence，佢話靈感嚟自古典音樂。文珣話醫生讚BB好健康，佢出世時喊到好大聲，不過之後一抱近媽咪就立即收聲，仲眼仔睩睩望住媽咪，文珣又係咁唱歌𠱁佢。」
鄺文珣前年平安夜嫁與Andrew，婚後過了年多二人世界便急不及待增添家庭成員，懷孕初期，鄺文珣曾因為血糖低暈倒街頭，夫婿十分擔心，她更向好友、誕下囡囡的千億新抱徐子淇請教安胎心得。上月，臨盆在即的鄺文珣更被拍到與夫婿拍拖逛ifc，當日更飲果汁解渴。
「好有女性緣」
對於鄺文珣BB的命格，堪輿家李丞責昨日說：「佢係一個火旺BB，性格活潑，大個會驛馬星動，適合到外國發展。BB好有女性緣，同媽咪感情好，將來改名最好選用木字旁，咁樣對佢一生更相得益彰。」另一堪輿學家麥玲玲昨日則說：「BB朝早出世屬火，旺財，佢頭腦好聰明，將來做生意好叻，讀書運都唔錯，不過細個要稍為注意健康。」
採訪：戴彩煥、比華利