今日〈你想知想講想問？〉問題見刊各版，請即上《蘋果》網頁http://appledaily.atnext.com留言喇！
或電郵至mailto:[email protected] 傳真：37112411 手機短訊：60107999
本欄會選登部份讀者的回應。
●對梁展文早前加入新世界集團事件的回應。
梁展文事件整件事簡單地說，是因為高官無恥而形成政府無能，即官官相衞。離職公務員就業申請諮詢委員會和公務員事務局等同虛設，傀儡一個個……整件事必須追究到底才能斬草除根。──傳真留言
俞宗怡應負全責，因為是她的局批准此事的。出現此事的原因只有三點：1.有不可告人的黑暗利益，2.有人利用職權賣大包，討人好感，3.崗位職責水平劣，作為高官絕不應犯此錯誤。所以，俞宗怡應引咎辭職。
──何先生
●對日前一名20歲少女因不甘遭剛出獄的「蠱惑仔」舊愛逼復合，跳樓自盡喪生事件的回應。
點解要咁儍……還記得霍金講過：「有生命就有希望……」死，係解決唔到問題，有呢啲事，一定要報警！──小威E
𠵱家係咪做黑社會嘅人就大晒㗎？無天理……無良心……唉，所以靚女們識男仔真係要小心啦，唔好隨便就同人喺埋一齊呀……──lazycat
●不少商舖違反指引，向信用卡卡主設定購物簽賬上限及徵收手續費，你有甚麼看法？
我覺得銀行及信用卡公司，應該多向巿民及旅客講明有關信用卡不收費一事囉……──WTong
大把地方都收手續費啦，咁又點噃。旅行社、金行間間都收啦。𠵱家先出聲，唔好遲啲？去啲舖頭分期又話要畀手續費，點解𠵱家先出聲？政府做嘢真係慢幾拾年先得？舉報又有冇着數先？
──有料爆
前兩個星期去郵局，都要過300蚊先可以用creditcard。──Jor
●你對前日又有市民因白車死火延遲送院不治，有何看法？
寧願政府唔派110億畀市民，用喺更新拯救市民嘅紀律部隊的裝備上啦……──yannis
政府情願捐成百億出嚟救大陸，都唔救自己人……曾特首，我諗佢嘅民望會再新低。
──hailey