【本報訊】正與腦炎搏鬥的7歲女童謝杏囗，在沙田崇真學校就讀小一。該校校長林克忠表示，杏囗性格活潑開朗，曾代表學校參加歌詠團比賽獲獎，「佢好cheerful、好乖，就算老師未教過佢，都會走埋去主動講早晨、午安。同事都覺得好可惜，點解會係佢？」
杏囗上周四服藥後已經退燒，豈料當日深夜突然昏迷在床。送院後，她本周日曾一度蘇醒，其後又再度抽搐及失去知覺，醫生現向她施以麻醉藥，以改善抽搐問題。
林校長昨午到威院探望杏囗，她的口鼻插着喉管，雙眼微微睜開，「佢隻眼冇乜神，但係面色紅潤，手腳好暖，只係嘴唇有啲亁，我哋就同佢搽潤唇膏。」
安慰杏囗母親
杏囗家住禾輋邨，屬小康之家，現時父母整天輪流在病榻旁看顧女兒。林校長說，杏囗的媽媽昨日滿臉倦容，但情緒已平復，「我同佢講個女喺學校有幾叻，佢就開心番啲。」
校方計劃下周四下學年首次職員會議時，帶領老師為杏囗祈禱。林校長已為杏囗準備一隻牛公仔，昨在床邊鼓勵她快點蘇醒：「我買咗公仔送畀最叻嘅學生。你一醒，我就送畀你。」杏囗的身體隨即動了一下，「佢手腳都有郁，我知道佢聽到我講嘢。」