今個夏天，睇意甲球隊踢季前賽認真唔開胃，成日輸唔在講，仲幾次輸得大大鑊，不過去到正式比賽就唔同，繼費倫天拿禮拜二喺歐聯外贏波，闊別歐聯兩季嘅祖雲達斯仲勁，前日一出場就好似出柙猛虎咁，廸比亞路、甘莫蘭尼斯、歷高達利同埋基亞連尼齊數糊，大炒帕沙卡4:0。意大利人平時揸流攤，正式比賽就兩回事？之前意甲嘅戰果要抹晒佢啦！