【本報訊】油麻地彌敦道昨日不足三小時內發生兩宗舊樓墮石屎意外，其中一塊擊穿九巴車頂，另一塊約一呎長石屎險擊中電單車救護員，事主大難不死，頻呼：「咁大塊，就算有頭盔都死啦！」兩宗意外暴露舊樓維修問題，有區議員指摘屋宇署巡查不足，未有積極勒令高危舊樓進行維修，「唔死人都唔出聲」。
記者：劉永明
昨晨9時23分，黃姓（42歲）九巴車長駕駛203E冷氣雙層巴士，由九龍鐵路站開出往彩虹途經彌敦道383號平安大廈時，黃突聽到上層車廂傳來嘭一聲巨響停車查看，發現一塊4吋×5吋石屎由高處墮下擊中車頂穿洞，即報警求助。警方封鎖彌敦道兩線調查，初步相信石屎塊是從大廈6樓墮下，但無人被捕。
至上午11時39分，彌敦道530號永僑大廈18樓天台，疑日久失修，一塊約1呎×8吋石屎脫落飛墮地面，剛好一名電單車救護員執勤後途經上址返局，在燈位前停下，石屎塊突在救護員左手旁落地，救護員報警求助，事後頻呼：「咁大塊，就算有頭盔都死啦！頸都斷呀！」
平安大廈已有48年樓齡，而永僑大廈亦有42年樓齡。屋宇署表示平安大廈經勘察後無即時危險，已勒令業主立案法團進行維修，而永僑大廈仍有石屎鬆脫危機，署方亦着法團立即維修。屋宇署強調針對20至40年樓齡的大廈，每年會巡查約1,000幢樓宇。
區議員：巡查只注意僭建
油尖旺區議員許德亮指出，區內40年以上樓齡的舊樓很普遍，當時建屋又多為鹹水樓，結構存有隱憂，他批評屋宇署巡查不足，僅勒令在較新商業建築物附近的舊樓維修，以整頓市容，但登打士街一帶的舊樓則「闊佬懶理」：「我投訴過好多次，屋宇署冇危樓意識，佢哋外判巡查都係睇有冇僭建物，而冇特別留意石屎結構。」
許建議，應將油尖旺區樓齡逾40年的舊樓列為A等高危，屋宇署應主動巡查其結構、消防走火通道、大型招牌負荷、天台屋等問題，鼓勵業主維修，「唔係死咗人先出聲㗎！」
理大機械工程學系工程師盧覺強指出，4吋×5吋石屎由6樓跌下，撞擊力約20磅重，人若被擊中未必會死，但1呎×8吋的大石屎塊從18樓墮下，撞擊力約300磅，如三大袋米舖的麻包米，擲中必死無疑。
油麻地兩宗墮石屎示意圖
你想知 想講 想問?
舊樓還有甚麼危機?市民如何自保?
請即上《蘋果》網頁 http://appledaily.atnext.com留言喇！
或電郵至：mailto:[email protected]
傳真：37112411
手機短訊：60107999