關菊英近日透露不介意身邊另一半是男是女，早前她更被拍得與同性好友周偉利（Willy）經常出雙入對。在《溏心風暴之家好月圓》中與關菊英合作無間的李司棋，昨日接受商台錄音訪問時力撐她說：「因為女性更清楚女性，不過以前我就有啲抗拒，如果有男性化打扮嘅女性掂到我隻手我都會打冷震，呢個係我個人問題。不過到呢幾個月我覺得冇問題，我自己一定唔會搵女人做伴，但唔會反對人哋。」
扮演西餅女王
另外，李司棋昨日與李曾超群、胡美儀、羅冠蘭等人在灣仔出席舞台劇《留住百味情》記者會，司棋姐將於舞台劇中扮演李曾超群，而胡美儀在戲中會扮演名伶芳艷芬，羅冠蘭就扮演李曾超群嘅好友馮太，司棋姐說：「今次係我第一次演繹仍在世嘅人嘅自傳，我係要演繹佢嘅精神，佢60幾歲時遇到人生咁大困難，其實可以唔負責任宣佈破產唔還嗰幾千萬，但佢有堅定嘅心同勇氣，所以先冇放棄。」
採訪、攝影：李珮洳、駱華齡