PS3《非洲》越嚟越多料出籠，最新一輯相終於有明確介面同玩法，一早知佢玩野外拍攝，預咗佢多配件同道具用，但勢估唔到連最重要嘅相機，都專業到玩單鏡反光DC，大大部a100擺喺度，催谷自家品牌當然無可厚非，不過好多網友擔心舞唔掂部單鏡DC，雖然家陣尚言之過早，不過骨精龍就好贊成引入真正單鏡DC拍攝技巧入去，事關玩景深、B快門、拉爆等統統都可實行，肯定比《GT4》嘅PhotoMode更好玩。
暫時只知得部a100用，SONY同Minolta合併後首部單鏡DC，略嫌舊啲喎，希望正式版有埋最頂級嘅1,400萬像素a350就好喇，當然仲有一系列蔡司貴鏡，現實中冇錢買，喺Game度過吓癮都好呀！