電影《內衣少女》一眾演員昨日到旺角宣傳，其間因彌敦道發現可疑物品而封路，令演員遲大到，眾人到場後又因為圍觀人數眾多而引起混亂。文詠珊（JaniceMan）被問到怕不怕有炸彈，她表示擔心眾人的安全，希望大家能平安回家。
文詠珊、李曼筠、賈曉晨（JJ）和湯怡昨日到旺角宣傳電影《內衣少女》，由於昨日旺角彌敦道發現可疑物品而封路，令演員無法到場，故此宣傳延遲了45分鐘才開始。
Maggie最性感
雖然如此，無礙眾圍觀者的熱情，吸引了超過200名市民和fans圍觀，眾演員到場後便在街頭派發電影宣傳品，大班市民加上保安和記者逼爆西洋菜街行人專用區。
其間有男士不斷向着打扮性感的動漫Maggie胸部和JJ的玉腿拍照，JaniceMan最受歡迎，眾多fans圍着她拍照。不過現場卻有人狂叫鄧麗欣的英文名Stephy，但其實Stephy昨日缺席宣傳。
JaniceMan及後接受訪問時，提到因封路而遲到，她說：「我喺柴灣趕嚟，知道封路就轉的士，塞咗個半鐘頭。」問可擔心會發生爆炸？她說：「每個人嘅生命安全我都擔心，旺角仲係一個咁旺嘅地方，希望大家都可以順利同平安返屋企啦。」
JJ不怕有恐襲
JJ則表示不擔心香港受到恐怖襲擊，她說：「香港係一個言論自由嘅地方，大家思想都好正面，唔明點解會有咁嘅事發生，我唔係好擔心香港會有恐怖襲擊，我估都係恐嚇性質多啲，因為近來冇一件事需要咁樣做，（炸彈）應該唔係真，但係大家為安全都應該小心啲。」
採訪：藍文浩 攝影：林德雄