全球矚目的奧運會，今屆在中國北京舉行，國家隊目前在金牌榜排首位，香港演藝界有不少紅星近期都謝絕應酬，安坐家中收看奧運賽事，當看到國家運動員奪金一刻也為之動容，看到國家運動員落敗又為他們嘆息。昨日李克勤為劉子歌奪得女子200米蝶泳金牌而激動；周潤發則為中國第一金而感到光榮；弱不禁風的鄭秀文則為舉重選手的每片肌肉閃耀光芒而感動萬分。 採訪：葉雪
鄭秀文：舉重激發爆炸力
在京奧賽事中，鄭秀文（Sammi）對男子體操和女子舉重最感興趣，前日她看到劉春紅於抓舉與挺舉造出128公斤及158公斤的破紀錄成績，Sammi也看得激動，她說：「睇到國家嘅女子舉重運動員咁落力，佢哋身上每一塊肌肉都係充滿爆炸力，睇得出佢哋係經過艱苦訓練先會有咁嘅肌肉，佢哋嘅肢體動作同瞬間潛能爆發嘅威力，大家係估唔到。」
任賢齊：男籃表現超水準
任賢齊看籃球賽肯定是選美國NBA賽事，在奧運賽事中，觀看中國國家隊分別對美國和西班牙的賽事後，小齊感動說：「真係諗唔到中國男籃水準咁高，佢哋對住美國夢八不單打得唔曳，後來對住世界冠軍西班牙隊幾乎仲贏埋，真係嚇我一跳，雖然喺最後加時輸咗，但雖敗猶榮啦！睇𠵱家嘅形勢，其實我好有信心中國男籃可以再晉級！」
李克勤：中國女飛魚精采
中國事隔16年後，由劉子歌以2分04秒18的成績再獲女子200米蝶泳金牌，並打破世界紀錄，李克勤在電視機旁不禁興奮大叫，他說：「見到劉子歌拿金牌，真係攞得精采，從來冇諗過佢可以咁出色，唔單止攞金牌，仲破埋世界紀錄，佢出賽前，大家都冇諗到佢會贏，中國已經好耐冇出過女飛魚，佢為中國游泳史寫下新一頁。」
周潤發：奪第一金最感動
周潤發雖然身在泰國拍攝西片《上海》（Shanghai），但他只要有時間就一定會留在酒店看京奧賽事，當看到國家隊運動員奪金牌，他也忍不住在房間連聲叫好，發哥說：「喺第一日嘅賽事，見到女子舉重選手陳燮霞替國家攞到第一面金牌，真係好感動，當佢企喺頒獎台，國歌奏起嗰一刻，你會為自己係中國人而感到光榮。」
古天樂：體操女團破宿命
在奧運各項賽事中，古天樂對體操與跳水項目最感興趣，他表示：「呢幾日只要唔使開工，我都會留喺屋企睇奧運，咁多賽事中，當睇到中國分別囊括咗男、女子團體操金牌，真係好感動，特別係歷史性贏得首面女團金牌，佢哋表現真係好出色，當6個小妹妹上台攞金牌嗰一刻，見到佢哋由內心發出嘅喜悅，證明佢哋嘅艱苦訓練終於得到回報。」
陳慧琳：凌空翻騰最優美
陳慧琳一直很支持女子體操，她前日獲悉國家隊女團首次奪金，立即拍掌歡呼，她說：「我睇佢哋比賽時好緊張，見到佢哋有咁好成績，成個人都鬆晒。今次由大師姐程菲領軍，終於摘下中國史上首面奧運女子團體體操金牌，真係好戥佢哋高興。其實佢哋每位團員嘅表現都卓越，程菲喺自由體操凌空翻騰嘅動作好優美，佢哋攞獎係實至名歸。」
