楊丞琳同潘瑋柏前晚喺台灣拍攝劇集《不良笑花》，佢哋嗰晚拍攝一場有關聖誕節嘅戲份，𠵱家天氣咁熱，但楊丞琳就要戴住冷帽同手套拍攝，認真可憐，不過好彩天公造美，落咗場雨散咗啲熱氣。楊丞琳話近排趕拍《不良笑花》同《愛就宅一起》兩部劇集都要戴假髮，焗到頭皮發炎，又痛又痕，馮仁昭最擔心佢會焗到脫髮，變咗「禿頭教主」就弊傢伙。