美股上周五急升，恒生指數昨卻要倒跌收場，專家認為主要是資金流向美股，令其他地區資金相對減少，因此呼籲投資者不宜只看美股走勢。中移動（941）跌穿一百元關口，短期亦不宜沾手。
孫：主持孫柏文
黃：灝天證券研究部主管及零售銷售部總裁黃偉康
李：法興證券衍生工具部亞洲區董事李錦
孫：美元大力扯上去，美股又大幅反彈，但港股都升唔到喎！
黃：美元回升，商品價格又回落，資金好自然流出商品巿場並重投股市，本來都應該可以幫到港股，但由於亞洲及歐洲區拆息高企，人民幣又跌，美國市場相對上變得吸引，資金亦以「目標為本」，流出歐洲同亞太區，美股亦因此具支持。中移動雖然跌穿100蚊，上次彈到110蚊已經掉頭，今次向上升幅都唔會好多，所以投資者暫時唔好入貨，觀望一下，會較為安全。
李：美國升咁多香港都跟唔到，當然好多人大跌眼鏡，但可能只係因為要跟番A股跌。至於中移動方面，早幾日喺窩輪巿場，中移動認購輪成交相當大，街貨特別多，有成1.2億資金流入；認沽輪成交反而只係得認購輪嘅十分之一，可以見到有好多投資者都想博佢反彈。
搶先貼股
港交所短期唔樂觀
王先生：港交所（388）就快公佈業績，今年有咁多衍生工具上巿，佢嘅業績係咪都會幾好呢？
黃：上半年業績出嚟應該唔會太差，不過要小心，盈利就算無倒退，都未必支撐到股價。大市氣氛仍然牛皮，有人或者去睇下奧運先，甚至諗住等埋美國大選，總之就有好多藉口畀投資者「慢慢等」，所以港交所股價短期唔係咁樂觀。
收市後4:30pm
click入 http://finance.appledaily.com以webcam參與節目及收看
歡迎phonein28698262暢談心得亦可email至mailto:[email protected]搶先貼股