記得京奧開賽之前，我判官講過古巴110米欄選手羅布斯（DayronRobles、圖），雙眼有斜視，比賽嗰陣要戴眼鏡，近日終於證明傳言非虛。話說有個記者老友去選手村間遊戲機中心，咁啱見到羅布斯玩籃球機，發現佢唔係「空針」就係彈筐。之後死死氣去玩電單車遊戲，第一圈都未行完，就撞車「GameOver」。你話羅布斯係電子遊戲白癡，定係視力真係麻麻呢？