吳家樂雖然有個坐擁50億資產嘅富貴外父周亦卿，但佢同太太周蕙蕙依然生活平民化。前晚佢哋撇低三個仔女，冒雨到位於跑馬地、價錢經濟實惠嘅燒鳥亭撐枱腳，到11點幾開餐完畢，見一身便裝嘅吳太都係孭住個幾百蚊嘅手袋出街，但產後嘅佢未收身，發現記者影相即時以袋遮肚，而家樂就拎住把遮，陪太太行去附近攞車，表現細心又體貼。