鍾鎮濤（阿B）與唱片公司BMA鬧不和，外間有指主要原因是他私下接工作，未有知會公司，故令公司大為不滿，阿B前晚出席活動時作出還擊，指要開經理人培訓學校，暗寸BMA唔識做經理人。
為四川賑災的「暖流送四川慈善演唱會」前晚於會展中心舉行，是次義演藝人有鍾鎮濤、譚詠麟、關淑怡、楊千嬅、鄭融及關楚耀等、其中關淑怡一身黑色超低胸衫甚有睇頭，一眾藝人於席上又拿着捐款箱到台下募捐。阿B更帶同穿上女童軍裝的小女兒鍾懿一同到台上表演，阿B表示，又帶了大兒子鍾嘉浚來做助手，因為公司沒有派助手協助。
早前有指阿B因私下接工作未有知會公司，故傳不和之說，而阿B也坦言這次慈善演唱會，便是傳聞他沒有通知公司的工作之一，不過阿B強調有知會公司，他說：「我有同嗰個人講過，如果佢唔知，其實公司有好多人都知晒，喺6月我有啲工作都冇助手跟，我唔勉強公司，但都唔知佢哋啲政策係點。」阿B又暗寸公司說：「9月我就約滿，可能會開間經理人訓練學校，睇吓有冇啲做咗幾十年、但係又唔係好識做嘅經理人，咁咪培訓吓佢哋。」
列出條件反遭力數
阿B又說他曾經找過老闆羅傑承，惜聯絡不上，或者已由其下屬處理中，他已將自己的條件列出，並要求公司給予完整計劃，可是有關人士卻力數他的不是，他自己與羅傑承的關係很好，現在亦有其他公司斟洽轉會事宜。
採訪：李珮洳
攝影：黃偉雄
