中國選手奪得多面金牌，內地同胞開心慶祝，不過有人歡喜有人愁，最愁莫過於內地散戶，因內地股市又急挫超過5%，股價顯示板一片綠海（指股價下跌）。kalyawo話：「中國果然奪金，不過講嘅係內地股市跌鑊『甘』，呢一『金』得來不易。」
網友winwin7086亦話：「簡直破埋世界紀錄。」股海舵手更串嘴祝賀中國成功搞咗個「綠色」奧運，佢話：「上證指數兩日嚟唔見10%，好快見1700點，今次仲唔完蛋！」
美股好轉 又插一刀
johnlam_hunter呻：「睇奧運真係好戥國內同胞開心，但睇番自己嘅股票，就真係好想死。大跌市咁耐，唔見咗八九成錢，家吓美股好番啲，大陸又插我一刀，唉！」