港島區噚日舉行首個地區論壇，可惜出席嘅一線候選人唔多，余若薇、葉劉同曾鈺成都係另派代表出席，火花欠奉。
反而候選人蕭敏華就成功用騎呢招成為焦點，話說有台下長者講到自己患白內障，可惜喺公立醫院排期排好耐都未輪到佢時，台上嘅蕭敏華就教長者用珍珠粉醫病，佢話只要將啲珍珠粉開水做眼藥水，隻眼就會好似佢咁精靈喎；講吓講吓又話叫長者不妨多啲做針灸醫病，佢頭上插住嗰幾支就係身體力行嘅最佳表現囉，嚇到台下長者儍晒。
其他候選人都對堅持要人叫佢蕭律師嘅騎呢對手不予置評，有候選人擔心一旦講錯嘢隨時會畀蕭律師隨身攜帶嘅針拮親都未定。