上個禮拜五花旗股市勁升超過300點，港股今日炒上無走雞，近期個市咁波動，炒期指隨時俾人摑幾巴，個市最後會點，遲啲就知，但係插極都唔落嘅股市應該要睇好。
俄羅斯同格魯吉亞開火都刺激唔到油價大升，即係話油價大勢要跌，美元仍然係當頭起，冇咁快升完，仲可以撐住花旗股市。
恒生C輪14263：恒生（011）現價161元，係現時最強嘅恒指成份股，睇嚟好快上試170元，破位就睇180元，可以諗吓隻C輪14263，隻輪現價24仙，有效槓桿4.8倍，正股升上180元，14263可見39仙，正股跌穿154元，就沽咗隻輪止蝕。