能夠從香港來到北京看奧運，是我的夢想，去年暑假開始在網上購買京奧門票時，我已經第一時間申請，終於成功買了5張比賽門票，包括京奧第一金的射擊賽、郭晶晶、吳敏霞的跳水第1金，所以好開心，價錢又不是好貴，好似睇郭晶晶比賽都是50元人民幣，好抵。
今次我一個人來睇奧運，因為不是好多朋友有興趣，像我這樣20幾歲的人，好多朋友都話我儍，我今程機票加門票加食（宿就住在朋友的胡同家，不用花錢），大約用了15,000港元，唔算貴，但好多朋友都話寧願用筆錢去東京好過來北京。
場館靚空氣差
我自細都鍾意運動，中學參加學界110米欄，我當然想看劉翔的比賽，但買不到看他的門票，但能夠來到北京現場感受奧運氣氛，已經值回票價。在比賽中與一眾中國人一齊睇比賽，覺得他們都幾有秩序。
今次來到北京，覺得奧運場館好靚，亦有氣氛，但空氣質素麻麻，好多時拍不到鳥巢的清楚樣，總是白茫茫一片，希望以後有所改善。