「黐線台」嘅話事人「大俠」，係人都知佢一向好鍾意出風頭，早排佢喺一個慈善拍賣活動度，就因為出風頭而辣㷫咗「風水佬」搞到𠵱家面左左㖭。
爭風水佬心頭愛
關仁聽講嗰日風水佬睇中咗一幅寫真，志在必得咁款，仲預算用幾十萬嚟投佢嗰幅心頭好，點知同場嘅大俠口痕兼手痕投埋一份，將幅相嘅價錢越投越高，初初風水佬都有同大俠爭過，但計落條數覺得唔多對路，於是被迫收手唔玩啦！結果喺冇人再出高價之下，幅相就俾大俠投咗。
本來慈善拍賣邊個投到都係做善事啫，不過，關仁收到風，原來大俠到𠵱家仲未找數，想話側側膊唔多覺，佢咁做唔單止激嬲風水佬，而且仲玩寸個party，真係唔知點收科。
Textby關仁
