韓國女歌手蔡妍噚日朝早拉大隊飛去北京，為爭奪奧運金牌嘅韓國選手打氣。佢心情勁靚，無論出發抑或抵埗嗰陣都笑笑口，仲同其他同行嘅圈中人振臂高呼，士氣高昂。佢一落機就走去睇韓國女子手球預賽，韓國總統李明博都在場。佢哋嚟緊仲會走去長城、天安門等人氣景點，搵遊客或同胞為韓國選手加油。至於鉉英所屬嘅第二隊明星打氣隊，今日會飛去會合佢哋。