【本報訊】銅鑼灣時代廣場昨晚直播北京奧運開幕盛況，大銀幕前人頭湧湧爭看奧運；但一街之隔的食肆商舖卻幾近水淨鵝飛，有咖啡店晚巿客人大減九成，有書店全日生意額較平日勁減一半，估計與大部份市民躲在家中觀賞奧運有關。
「返晒屋企睇奧運」
位於銅鑼灣時代廣場羅素街一帶的食肆商舖，不但未有受惠奧運熱潮而生意滔滔，反而慘淡收場。樓上咖啡店HitTheRoad職員表示，平日晚上7時許餐廳門庭若市，10張枱座無虛席，昨晚碰上北京奧運變成門可羅雀，全場只得一枱人。該職員稱，明顯受奧運影響令生意銳減，「啲人返晒屋企睇奧運，唔出嚟食嘢，今晚都唔慌多客。」
樓下地舖小食檔主劉先生表示，全日生意大跌兩成，「平時7點啲人放工，都會喺小食店門口排晒大隊嚟買魚蛋，𠵱家人影都冇隻，無論係本地客或者係內地旅客都少咗好多。」他說，希望今日巿民會出來逛街購物，生意會好一點。
同一條街的樓上書店人民書店，平日有不少內地自由行旅客到來購買在大陸被禁的書籍，惟該等客人昨日突然人間蒸發似的。書店負責人Paul表示，「今日啲內地客冇晒，相信佢哋留返晒喺大陸睇奧運，平日生意額都有3,000蚊，今日得番一半。」Paul表示，受奧運影響預料本月「好難捱」。