報稱以獨立身份參選九西嘅「鼠王芬」梁美芬,噚日喺商台一個選舉節目上,批評同區參選嘅公民黨毛孟靜,質疑毛冇參加社會組織協會搞嘅探訪板間房居民活動,係「政治貴族」,毛孟靜即時反擊,指早就同主辦單位講明事忙缺席,由伍月蘭代表,叫鼠王芬搞清楚先批評。 鼠王芬針對毛孟靜,卻俾涂謹申抽後腳,阿涂質疑鼠王芬獲中聯辦撐,先至突然有幾十個區議員埋班組成西九新動力助選,鼠王芬話咁講唔公道,強調係靠誠意打動有關區議員。鼠王芬咁講,全場人士都爆笑,估唔到佢講完都唔眨眼。