熱刺今季絕對稱得上係「英超豪客」，收購一單接一單，但係領隊拉莫斯運氣似乎唔多好，唔單止一直未能安撫首席射手貝碧托夫，而且連克羅地亞國腳莫廸歷亦告受傷，很可能缺席部份季初賽事；該名天才中場身價成1,650萬鎊（約2.5億港元），仍是球隊今夏最貴「來佬貨」，聽到呢個消息，相信除咗拉莫斯痛心，熱刺「粉絲」仲傷心！