我京奧判官14歲嗰陣參加演講比賽，面對全校人都騰騰震，但英國14歲跳水神童戴利（TomDaley）就犀利得多，自言大賽前從未試過失眠，佢話：「抵達北京前，我有請教前輩列格夫（SteveRedgrave）點樣備戰，佢同我講就算唔使瞓都可以照樣比賽，於是我就安枕無憂喇。」不過，戴利原來喺學校上體育堂好水皮，搞到音樂唔及格嘅京奧判官都想參加新秀㖭！