小時候易滿足，去「鋸扒」是大事，毋須理會肉來自何方，跟爸媽吃一餐，只要看到侍應淋上汁醬，鐵板吱吱作響已很快樂；現在認真吃牛扒，一定認識高級扒房MR.STEAK，由老闆JohnKwong講扒，你要聽！
記者：張一豪
攝影：王文忠
引入美國頂級DryAged
John的父親鄺健靈，因為在上海讀書認識了SimonGunstone，在五十年代初成為首個做入口澳洲牛肉的供應商，經兩代經營，由「永利凍肉」，到85年改名成為現時的「鮮運食品」，已成為全港約七至八成的五星級酒店的高級牛扒供應商。
00年進軍餐飲界，創立了「MR.STEAK」後，多次開創香港「鋸扒」先河，「當時香港經濟環境係最差嘅時期，我覺得反而係機會，因為好多做高級牛扒嘅地方，都係靠我哋入口，於是我哋可以做到『有我哋咁平，無我哋咁靚』嘅質素，於是喺三里屯開第一間舖，當時都做咗唔少功課，咁啱試到一間美國好出名嘅『SIMTH&WOLLENSKY』DryAged牛扒，於是向佢哋請教，成為香港第一間做美國頂級DryAged牛扒嘅餐廳，當時每客10安士都係賣$248，所以外界都好受落。」
當年三里屯「MR.STEAK」開張，人氣極盛，天天要排隊，為顧及質素，出菜慢成致命傷，最後要限制客人數目，每天只做80人，維持3個月，過了高峯期，才慢慢調節運作。為了保持質素，04年才因為引入澳洲和牛，因利乘便才開第二家分店。
美國頂級DryAged牛扒
開業時賣$248，見證通脹。愛濃牛肉味一定愛上，與一般牛扒比較，感覺上像全脂奶和脫脂奶之分。
$428/10安士（a）
日本A5宮崎牛
今年日本和牛解禁，優質日本牛肉可以再次入口，原來有酒店有近七成都是透過John入口，質素有保證。
$368/150g（a）
最愛香港味
其實John在77年從加拿大學成回港，一心想「着西裝返工」。因當時同儕將賣凍肉跟「着圍裙木屐斬豬肉」混為一談，令他對繼承父業十分抗拒，惟在學習期間培養出感情，30多年四出發掘食材。每年John都會去世界不同的美食展取經，當中必去的有NewYork及Chicago的「餐飲及酒吧供應商展」、10月到歐洲的「Sail」等，不過原來最受用，就是到日本取經，「將日本嘅飲食方式帶過嚟，香港人始終最接受。」
試過世界各地不同地方美食，最愛的口味依然是香港，「其實我最鍾意都係香港嘅雲吞麵同豉油西餐，尤其係後者，有好多細個時候同父母一齊食飯、鋸扒等回憶，不過已經唔易食唔到以前嘅味道，所以我嘗試搞『香港餐室』，亦係一個理想，希望可以重現以前餐室文化，入面可以食到我最鍾意嘅了手剁窩蛋牛肉飯、真正番茄燴意粉等，都係想保留一啲香港文化色彩。」的確，做生意除了賺錢，莫過於將自己的愛好帶給別人，而且有人欣賞，因此John每每都會親力親為，與人分享味覺，也與人分享快樂。
John係高級牛扒始祖
餐室、冰廳，甚至連鎖店鋸的扒，主要是來自南美，高級一點可能是澳洲、美國，但講到高級扒如美國頂級DryAged、澳洲黑毛和牛、澳洲頂級DryAged「極黑牛」（美國和牛）以及「紅毛安格斯牛」等，原來都是由鄺大華JohnKwong的「鮮運食品」家族生意開始。
手剁免治牛肉飯$38（b）
與一般用機器碎肉不同，這裏的牛肉一粒一粒的，混入太陽蛋黃，才是正真美味。
牛柳會意粉$58（b）
茶餐廳的燴意粉多變成了「茄汁意粉」，真正的燴意粉是要番茄和配料跟意粉一起煮過，像這碟才叫正宗！
a.MR.STEAK（28021128）
灣仔灣景中心三里屯10號
b.香港餐室（25411081）
上環德輔道中308號安泰金融中心地下