江欣燕（右）、陳自瑤（左）等前晚喺灣仔同無綫處境劇《同事三分親》嘅一眾演員齊齊睇結局篇。 有傳關詠荷再度懷孕，江欣燕話：「我未親自同佢通過電話，所以都唔知，如果真係有，我會祝福佢。」佢仲話早排同老公齊齊去希臘旅行，曬得一身古銅色肌膚，佢話：「同老公去玩咗十日，想去好耐啦，嗰度真係一個好浪漫嘅地方。」