法甲、英冠同蘇超今日齊齊開鑼，餓波已久嘅球迷，諗住又有直播波睇；而我求大俠呢兩日上無綫收費電視個網，諗住睇吓會唔會直播法甲兩大班霸波爾多同里昂嘅波，點知搵嚟搵去只見英冠同蘇超，就係冇法甲播。據聞法甲只係暫時冇得播，至於幾時有番就暫時未知，想睇法甲嘅球迷只有繼續等吓啦。