「加拿斯，你得番一年貨仔咋！」呢句警告說話，係阿仙奴領隊雲格親口同加拿斯講嘅！兵工廠球迷又唔使咁擔心，雲格唔係諗住賣走加拿斯，而係同佢講如果新球季仲未證明到領軍能力，到時要將個隊長臂章除番出嚟啫。聽講高路托尼係下任隊長嘅頭號人選，加拿斯有乜差冬瓜豆腐就刻頂上。韋拉、加拿斯、高路托尼，雲格鍾意黑人做隊長？