【本報訊】一名綽號「老鼠」的嗜酒中年漢，昨晨與友人飲酒時，突然擊破酒樽，碎片彈起誤傷友人腳部，遭友人責罵後，竟登上住所天台危坐石壆企圖跳樓。警方談判專家一句：「唔好咁啦，我請你飲凍啤酒，去啲又凉又靜嘅地方飲吖！」嗜酒漢正中下懷，自動軟化獲送院檢查。
爆樽傷友挨罵
企圖自殺男子姓彭（54歲），獨居屯門寶田邨8座一單位。據其女友人表示，彭嗜好杯中物，「佢係醉貓嚟㗎！成日飲酒，日日飲」，他失業依靠綜援過活。
昨清晨彭與一批朋友飲酒，其間見有客人擊破玻璃樽，彭見狀有樣學樣即場「爆樽」，碎片彈中友人腳部，被眾友責難「唔好飲咁多酒」。彭發脾氣掃興離開，返回寶田邨住所。
直至早上8時半，姓梁（50歲）女保安員發現彭潛登29樓天台危坐石壆邊緣，企圖跳樓，不時兩腳懸空。警員及消防員到場在地面張開救生氣墊戒備。與彭一起喝酒的女友人到場了解，無奈表示：「鬧你兩句啫，唔使咁樣呀？」其間警員及消防員欲接近時，彭情緒激動，作勢躍下，又不斷抽煙。
至早上10時，警方兩名談判專家到場展開游說，烈日當空，不時遞水予彭解渴，彭卻不領情，擾攘三個半小時，接近中午12時，談判專家游說道：「唔好咁啦，聽話啦，最多我請你飲凍啤酒，唔好呢度飲，去啲又凉、又靜嘅地方飲吖！」彭聞言大喜自動投降，返回安全位置，被送院檢查。