【本報訊】政府年初與國家商務部合作，每天公佈翌日活豬供應數字與當天運抵屠房的活豬數量和拍賣價，有業界批評有關數字與實際供應量不符，當局也沒有着力監察，對穩定價格的成效不大。
鮮肉大聯盟主席文卓培指出，每天公佈活豬供應量與實際供應量根本不相符，「佢今日話有4,600隻，其實第二日都未必有嘅。佢鍾意嚟幾多就幾多，鍾意嚟多啲就多啲，嚟少啲就少啲。公佈嘅數字仲要計埋乳豬喎，所以都未必係真數。」
文卓培說，當局應該着手處理供應量及競投價格等問題，每日派員監察有關情況，「年初嗰陣都會有高級職員落嚟監管，𠵱家都冇喇！」
「供過於求先穩定」
香港豬肉行總商會副理事長許偉堅則希望在農曆新年等節日時段可增加供應量，「𠵱家平均每日有4,000隻左右，如果新年嗰啲日子加到4,300隻就差唔多，始終供過於求市場先會穩定啲。」