應采兒和吳佩慈兩位台灣同鄉，昨日在中環出席化妝活動，兩人大呼投契，原來兩人的母親是好友兼麻雀腳。應采兒谷胸露背即場整批，成功搶去吳佩慈不少風頭。
化妝品牌M.A.C昨日在中環HelenaMay舉行宣傳活動，應采兒和吳佩慈一同出席，向來性感谷胸的吳佩慈，昨日完全被應采兒搶盡風頭。
知青到中年
應采兒先穿上低胸裙炮製美味CherryPie，但她只是拿拿配料、隨意攪兩攪就完成，她都忍不着笑說：「由於時間關係，個cake已經整好。」之後換上大露背裙，餵吳佩慈吃批。
首次與吳佩慈見面，應采兒透露發覺大家十分投契，她說：「原來佢媽咪同我媽咪係麻雀腳，仲係好朋友，頭先我哋交換電話。我覺得同佢好夾，大家都離鄉別井去內地、香港，周圍飛，佢又同我一樣好爽。」
應采兒下月與李亞鵬合作拍攝電視劇，由知青演到40歲中年，更要暗戀李亞鵬足30年，對於王菲又告有喜，應采兒都替李亞鵬辛苦，她說：「個劇要拍到12月，佢未來都好辛苦囉！」男友陳小春戒煙後暴肥，應采兒笑說：「係呀，肥咗10幾磅，冇咁亁冇咁老，仲後生啲㖭！」
吳佩慈只示範化妝，問到被性感的應采兒搶風頭，她說：「係咩？都係配合主題啫，佢好靚，有前有後。」
下月將出碟
簽約楊紫瓊旗下公司後，吳佩慈下月將推出新唱片，她說：「𠵱家OK，公司仲安排咗幾套戲畀我。」工作忙，男友沒投訴？她說：「我哋拍拖唔夠一年，大家都飛來飛去，最耐成兩個星期冇見，惟有上網維繫。」
採訪：LawWaiMan
攝影：WongWaiHung