樂壇新人馮曦妤早前到尖沙嘴排舞室學跳舞，歌迷突然探班，並親自煲減肥湯，又帶壽司、啫喱和水果獻給偶像，還花心思把水果砌成太空船，令馮曦妤開心不已，fans更陪她學跳舞。
馮曦妤說：「佢哋好有心，我未試過有人探班，佢哋知我首歌叫《火星原居民》，所以用火龍果砌成一隻太空船，好感激佢哋。」
自覺演出木獨
一星期學足三堂舞的馮曦妤，覺得自己在台上表演時較木獨，她說：「我都覺得有時上台唱歌，企喺度個畫面冇咁好睇，所以想學跳舞，加上《火星原居民》呢首歌有少少輕快感覺，上台演繹有啲郁動配合吓會好啲。」馮曦妤另一個學跳舞原因是為了上鏡更好看，她說：「為咗上鏡好睇啲，最好減少少包包面。」
採訪：王連連
攝影：陳俊強