商台近排人事大變動，繼卓韻芝同蘇施黃請辭後，《在晴朗的一天出發》嘅主持盧覓雪（圖右）又辭職，商台對外事務部發言人話盧覓雪喺前日已正式離職，佢係以私人理由請辭，至於佢嘅節目會由朱薰暫代。記者打電話問番盧覓雪，佢話：「我做咗4年，想轉換吓工作環境。」有傳佢會加盟李澤楷旗下嘅公司，佢話：「傳咪就係傳聞囉！」