2R的黃婉君（Rosanne）早前與妹妹黃婉伶（Race）去了倫敦為電影《上海》試鏡，當她們與偶像周潤發見面時，儼如小fans般爭着與發哥合照。Rosanne興奮的表示，會曬一張大相送給父母，因為她的父母也是發哥的超級fans。
組合2R有份拍攝由鞏俐和周潤發主演的荷李活新片《上海》，當Rosanne在英國完成試鏡之後，在當地逗留了數天暢遊一番，其間亦有抽空到拍攝現場探班。
「叫得出我哋個名」
當Rosanne見到偶像周潤發時，她的心跳加速，非常緊張，因為她沒有想過可以這麼近的距離與這位國際巨星見面。
Rosanne說：「發哥一啲架子都冇，佢對現場所有工作人員都好友善，同每個人都有講有笑。未埋位嘅時候，佢會講好多好好笑嘅笑話令大家開心，我好期待同佢合作。發哥見到我哋嘅時候，仲問我哋係咪2R，我估唔到發哥會識得我哋，有一個咁勁嘅前輩可以叫得出我哋個名，嗰種心情就好似中獎一樣。」
此外，Rosanne仲同有份演出的日本演員渡邊謙（KenWatanabe）合照，並覺得他充滿男人味。Rosanne又稱讚在外國拍戲籌備工夫做到十足，不論住宿、膳食及現場環境都好好。
盼坐幸福摩天倫
之後Rosanne抽空去了英國著名景點LondonEye，她說：「想去LondonEye好耐，但當我坐喺摩天輪嘅時候，覺得如果身邊有另一半就會sweet好多，同埋細個睇戲，好多人都會喺摩天輪上面求婚，我都好希望有呢一日，但係今次就自己坐住先，覺得有啲遺憾，又有啲lonely囉！」
撰文：李全
