林熙蕾早前在台北被拍下跟吳彥祖嘆醉雞鍋而傳出緋聞，她前晚在港出席時裝騷時，直認當晚只得兩人撐枱腳，但否認勾手指過電兼返香閨，雖然她指彼此沒發展機會，但不會為此斷絕來往。不過，跟朱孝天戀情已是公開秘密的林熙蕾，卻自稱多年沒拍拖，又指有暗戀對象，正觀察意中人。
法國品牌agn囗sb.前晚在中環ifc舉行2008秋冬時裝騷，林熙蕾、林海峰、台灣組合F.I.R、張可頤和小美、黃耀明、趙世曾兒子趙式浩和女友羅苡之、馬偉豪與性感太太等，都有捧場看騷。
「冇機會發展」
林熙蕾早前被拍到和吳彥祖在台北嘆醉雞鍋，兩人背住另一半朱孝天和LisaS.撐枱腳，更勾手指離開，買外賣返回香閨。前晚林熙蕾身穿黑色tubedress及外套，由兩、三名公關保護入場，她透露專程來港出席，今天返台。
問林熙蕾與吳彥祖的緋聞，她神態自若說：「冇乜感覺喎。」勾手指？她說：「唔係，係角度問題，我哋唔係拍拖，我哋識咗五、六年喇。」之後買外賣返家？她說：「唔係上屋企，喺餐廳食嘢啫。」她直認只有她與吳彥祖兩個人吃飯，不怕惹吳彥祖女友不滿？她說：「我哋係普通朋友，冇機會發展，都識咗咁耐囉。」不過，她又謂不會特別因此而與吳彥祖減少來往。
「我唔敢示愛」
朱孝天曾被拍到在林熙蕾的香閨出現，前晚林熙蕾卻指自己緣份未到，她說：「仲等緊，但我鍾意嘅人已經出現咗，對方係未知，我唔敢示愛。」暗戀中？她說：「係。」她不肯透露詳情，問她何不主動出擊？她說：「唔敢講呀，除非對方有action，唔係我都唔識畀提示，𠵱家觀察中，睇緣份啦。我幾年冇拍拖，除非覺得對方係可以做老公，先會開始。」
今次agn囗sb.時裝騷展出61套新裝，女裝有以黑白灰做主色的citychic，也有shinyshiny的閃亮物料、幾何圖案服裝等多個主題。男裝方面，用earthtone帶出風塵僕僕的波希米亞型格，以及歌德式華麗、中世紀文藝復興元素等。CaraG.穿一身白裙，捧男友Jasper場，Jasper更拖壓軸的新娘裝扮模特兒出場。
採訪：LawWaiMan
攝影：RickyIp
旗艦店集agn囗sb.之最
前晚agn囗sb.在ifc舉行時裝騷的地方，其實是agn囗sb.即將開設的15,000呎旗艦店所在，店舖現正閉門裝修，至11月正式開幕。新旗艦店會有齊品牌時裝、朱古力、花店和酒吧等，更命名為Loggia，這個是b.小姐在法國南部和意大利的度假屋名稱，她原意就是將那份悠然自得注入店內。Loggia在意大利建築中，有分隔小空間的拱形結構之稱，相信未來裝潢都會有這份概念。