鍾嘉欣簽約星娛樂，昨日更在四季酒店舉行簡單而隆重的簽約儀式，一班星娛樂新人朱韻詩、韋雄和RedNoon齊齊撐場。鍾嘉欣獻唱新歌時手震震，她說：「其實比之前喺《勁歌》已經好咗好多，手係有少少震，但進步咗好多，十分我畀自己七分。」
「佢話會買」
談到即將推出個人大碟，鍾嘉欣表示會買碟送給家人，會否送給緋聞男友林峯？她說：「阿峯佢會支持，佢話會買，我會有兩個唔同封面，不過佢買一隻我都好開心。」
關菊英也專程支持一班新人，她又表示前晚《溏心風暴之家好月圓》平均收視高達39點（約245萬人次），她說：「好開心囉，不過奧運嚟到唔知會唔會有影響，希望大家睇埋我哋。」
採訪、攝影：楊潔雯