汪明荃（阿姐）、楊怡及陳自瑤（YoYo）等昨日到電視廣播城出席「八月星辰」生日會，本月28日61歲牛一的阿姐坦言已有多年沒有參加公司舉辦的生日會，昨日難得有假期即抽時間出席。
低調慶生
至於正日當天是否一如以往與歌迷慶祝時，阿姐就說：「今年我會簡簡單單同屋企人食一餐飯，生日願望當然就係身體健康，我已經叫歌迷今年唔好搞，因為之前佢哋都捐咗好多錢做善事，自己都唔想佢哋再破費。」至於羅家英早前公開大數她的缺點時，阿姐不怒反笑稱家英哥為了獎品甚麼都會講出口，她亦不會介懷。
此外，月底生日的楊怡就興奮表示今年生日不用在工作中度過，至於是否與男友共度浪漫生辰時，她就即笑說︰「乜嘢男友呀？我仲等緊人追呢，啲人追先有得揀，希望啲男性朋友識做，主動現身約我啦﹗」
採訪、攝影：駱華齡