胡杏兒與黃浩然日前接受商台訪問，他們一同演出無綫新劇《當狗愛上貓》，更異口同聲表示自己性格似貓，遇到陌生人都較被動，但甚麼事令兩人衝破隔膜，原來是開工頭一日拍一場接吻戲，怎料杏兒錫完後便當場嘔吐，嚇得浩然半死，更慘被工作人員取笑錫到杏兒嘔，事後杏兒解釋是天氣悶熱身體不適，不關黃浩然事。
信唔過黃宗澤
劇中杏兒盲目追求黃浩然，現實生活中杏兒都曾經試過向意中人示愛，她說：「我都試過，點都想畀對方知道，佢係外國人，當時我寄咗張生日卡畀佢，不過最終都冇發展，因為我哋關係唔係應該咁做，佢係我留學時宿舍老師。」被問到會否鍾意口花花男仔如黃宗澤？杏兒笑說：「口花花先死，對個個都口花花，見唔到佢都唔知佢做乜，我諗我要搵個似浩然咁有承擔力嘅男人。」
採訪：馬建華