如果不是鄺志堅，大家對工聯會的印象，可能仍然停留在梁富華年代，記着的是那句指罵天主教香港教區主教陳日君樞機是「病態聖徒」的言論。一切非定理。當梁富華換上鄺志堅，工聯會都可以好「泛民」，矛頭直指的對象竟是煲呔而不是別人。「我係夾硬無厘頭揼佢呀，條氣唔順吖嘛！」
近朱者赤、近墨者黑，坦言「熟泛民啲人多過左派嗰邊喎」的鄺志堅，四年來在議會內，總是帶點泛民的味道。要找左派中人批評政府，他是上佳的選擇，因為他對議員的定義與一般保皇派不同，「就算係保皇又點？輕輕都要傾向多啲批評同監督政府㗎。政府拎咩嚟你都話好呀？唔使監督吓咩？」
最常追擊煲呔
結果他最常追擊的對象是煲呔，在答問大會上，他公開質疑煲呔放假時不刊憲是違規，又批評煲呔奢侈，花巨款在禮賓府建魚池。他自稱因為煲呔「唔應酬勞工界」、「條氣唔順」，因此就算「路過」，也要「夾硬無厘頭揼佢」，讓特首不要洋洋得意，自以為「嫻姐前、嫻姐後」就可以冧掂工聯會。
三年苦戰，鄺志堅自嘆技不如人，「咁多次交手，我都係輸畀佢」。他說煲呔未必喜歡他，但每次見到他，仍然表現自如，「冇嘢咁款㗎喎」。他說自己輸了，可能就是輸在這一方面。得罪煲呔通常沒有好下場。落得與煲呔「火星撞地球」，可能都有點點後悔吧，他卻笑笑口的說了句「咪冇副局長做囉。」可見他心目中的煲呔跟大家認知的一樣，有點小氣，會記仇。
很多人不相信，鄺志堅不會再在四年後重返議會。我信，因為他先天欠缺議員所需的材料。給職工盟李卓人「抽水」時，他不能視為一場遊戲，足足嬲了好幾天；當大家爭相發言為自己留個紀錄時，他跑去跟朋友吹水飲啤酒，「議會工作好磨人，開會開足幾日，唔生唔死咁，做乜鬼吖？」這番明明不應說出口的話，他偏偏說了出來。立法會，對他來說可謂此地不宜久留。
記者 許偉賢